الموديل فاشون … في أعين من يراهم وبين معاناتهم لكسب الشهرة والنجاح … وقصة “ماينو” في عالم الموديلز

0 129

حوار – محسن البديوي

في عالم الموضه والفاشون ليس كل من يعمل بهذا من المدللين المرفهين في حياتهم ، بل فيهم من يعاني في إيجاد فرصه مناسبه وفيهم من يجد مشقه في شق طريقة الي أن يصبح نجما في مجال عمله .

وكان ل شبكة أخبار العربية بصوت الشعب المصري ، الفرصه في لقاء أحد من يعملون بمجال الموديل فاشون و اجراء هذا الحوار معها .

بداية نود ان نتعرف علي اسمك ونوع دراستك ؟

انا اسمي ايمان والشهره (ماينو)
انا من اسكندريه بس لسه بدرس تجاره عين شمس في رابعه حاليا لاني كملت متاخر نشاطي في المدرسه كنت بقراء في اذاعه المدرسه.

كيف توجهتي للعمل في الموديلز ؟

كنت حابه مجال الغنا وكنت بحفظ اغاني كتيييير جدا وانا صغيره اكتر حاجه كنت مركزه معاها هي الغنا والتمثيل لحد ما جيت في فتره بعد سنين عدت علي أماكن كورال ومايسترو قولت اجرب يمكن الفرصه تيجي روحت وطبعا كنت مستغربه الجو جدا والمكان وعرفت مع الوقت أن الاختيار بيتم علي حسب المزاج رغم علاقات المايسترو المتعدده فقمت بترك المكان وقعدت بعيده فتره بشتغل اي شغل يجي قدامي

وكنت اتعرفت علي ناس من الفريق بعدها كبيره سنه تقريبا قالي روحي المكان وجربي لقيت الموضوع برضو كماله عدد والاهتمام بالناس الجديده والاهتمام بس بالناس اللي اهاليها بداءه معاها من صغرها …بعد كده نسيت الموضوع

وانا في دماغي نفسي ابقا حاجه لاني بحب الشهره والنجاح وجربت ورشه تمثيل لقيتها برضو الموضوع لم فلوس وخلاص …. بعد كده مع الوقت لما بحط ميكب خفيف بسمع اني شكلي بيكون حلو وانا اصلا بحب الميكب والفاشون
اتعرفت علي موديل ردت عليا بعد فتره كبيره وانا بس مكنتش عاوزة اعرف منها غير هي بداءت ازاي …..كل اللي عملته بعتتلي لينكات جروبات موديل…

من هنا قررت اني هنزل ميكب بس الاول لحد ما ربنا يكرم وانزل فاشون لأنه محتاج فلوس عشان اعمل داتا فاشون ….ابتديت انزل ميكب مقابل الداتا وطبعا مش كله شغل عالي مرتين حلو ومرتين لا …..وطبعا كنت بقابل ناس بتبعتلي صور وناس لا وشويه حاجات في نص الطريق مزعجه

متي بدئتي تصوير ؟

بداية اول سيشن ليا قبل الكورونا بفتره صغيره وابتدا شغل فاشون بسيط جدا مره او اتنين بسالري بسيط واغلب الناس والمكيب ارتيست بتكون محتاجه الموديل مقابل داتا ولحد دلوقتي ف ابتديت ادور كتير واحاول اعمل شغل احسن سواء فاشون او ميكب عشان اكون في الاحسن ويمكن تيجي الفرصه وادخل دور صامت حتي واشتغلت فيلم قصير …

يعني بحاول كل اللي بيجي في سكتي اشتغله لاني بحب المجال بكل مشتقاته وشغلي فاشون او ميكب ف ده عشان اوصل بحاجه أكبر….وطبعا ده في الزمن ده صعب شويه محتاج واسطه وفلوس ده غير الناس اللي مش تمام بقابلها في طريقي ….وانا علي امل اني هوصل لحاجه بحبها وانا اخترت مجال الفاشون يمكن يكون بدايه ليا في طريقي اللي بحبه

Leave A Reply