أصل الضحكة

0 83

كتب / فاطمة عبدالواسع

اما بلاقي نفسي حزينة .

بجري بسرعة اقوام ع اوضتي .

واسكت واعمل نفسي هنام .

يبدأ صمتي ويقول في كلام.

يفتح كل مواضيعه قوام .

والتفاصيل تيجي بسرعة .

وتحلف ثانية ماتسيبني أنام .

ماهو القلب ضميره حيران .

يرتاح امتي وعقلي يقوله.

عمري ههاون معاك وسلام .

اصل طبيعتك صدق في صدق .

عمرها يوم مابتظلم حد.

اصل كلامها جد في جد .

والقلوب الي معديا كلها كدب في كدب .

وانت يا قلبي مابتظلم حد .

تضحك صدفة في وش معدي .

ياخد ضحكك ويبني أحلام .

ماهو عمره ماذكي بضحكه .

وانت ياقلبي طبعك حلو .

اصلك صافي وكلك دافي.

والكل معدي معاك متساوي.

ماهو الضحكة مرسومة ع خدك .

مش قصدها لحد وحد .

مش نواياها كره وتزييف.

تحاسب نفسك في ساعة صدق .

وتحلف يوم مايشوفها حد .

ترسم ضحكة بوجه حزين .

يتلموا عليك ويقولوا لمين .

ترد تقولما كفاية آنين .

سيبوني في حالي.

اشكي لنفسي بقلب سليم .

اصل الضحك معايا حكاية.

وانا من طبعي الضحك صديق .

يطلع صدفة لسين وسين.

وانا من كتر كلامكم زهقت.

تعبت وقولت كفاية كفاية.

ضريبة الضحكة ألف رواية.

يروي بيها قلب مريض .

كلها ليكم ضحكات متشابهة .

زي العقد ويليق ع لبس .

اصلها من ملامح شكلي.

ولا تتأثر يوم لمشاكلي.

اما الفارقة معايا هي .

الضحكة الخارجة في وش حبيب .

تطلع ليه مايشوفها غريب .

اصلها موجودة في خزنة قلبي .

رسمها اسمه وصوتها حكاية .

هو بس سيادته مالكها .

مش بتاعكم ولا لاحلامكم .

يلا باي من غير سلام .

سيبوني اضحك وفي حضنه آنام.

بس نصيحتي ليكم كفاية حرام .

تحسدوا بعض وتألفوا كدب

من ضحكة بسيطة ع وش حد.

Leave A Reply