الرئيسية » المزيد » صوت الشعراء » طارق الصاوى – يكتب : يا ابن بلدى ..

طارق الصاوى – يكتب : يا ابن بلدى ..

يا ابن بلدى 

◇◇◇◇◇◇◇◇◇◇◇◇◇

يا ابن البلد آن اﻷوان

إصحى إنتبه من غفلتك 

ﻻ انت دارى باللى كان

وﻻ حتى شايف سكتك 

نايم .. سايب الجبان 

طايح يدمر نهضتك 

و انت راضى من زمان

طب عملت فى دنيتك 

قوم يامصرى ده الامتحان

قرب و عايز همتك ..

 

إيه اللى ناقصك يا ابن بلدى

العزيمة واﻹرادة والمهارة .

وﻻ خايف وانت شايف 

اللى بيجرى فى بلادنا 

لو هنتأثر بالفاشل و المكسر

واللى قاعد على كرسى اﻹدارة

مش هنتقدم اى خطوة

وﻻ نحقق لمستقبل وﻻدنا 

ياللى أجدادك نجوم 

بنوا مليون حضارة

واحنا فقرا جنب مرضى

و ﻻبنملك قوت عيالنا

وﻻ قادرين نصنع علاجنا

وانت واقف فى الطبور 

وفى إيدك سجارة !!!

ده انت اﻷمل. و بالعمل 

هنزرع القمح يكفينا بحد ادنى

إيدك فى إيدى مسلمين ويا النصارى

هنرفع راية مصر فوق كل مدنا ..

عن طارق الصاوى

اضف رد